ILOILO- Nagpatawag sang meeting si Iloilo Governor Arthur Defensor Sr. may kaangtanan sa problema sa pagtaas sang kaso sang dengue sa probinsya sang Iloilo.
Sa interview sang Bombo Radyo kay Provincial Disaster Risk Reduction And Management Officer Dr. Jerry Bionat, iya ginpahayag nga naghatag sang mando ang gobernador nga magkuha sang datos sa mga kabanwahanan.
May yara man sang mando suno kay Bionat nga pagakuhaon man ang proposal sang Provincial Health Office agud mapresentar sa konseho sang Municipal Disaster Risk Reduction and Management Council (MDRRMC) kag mapresentar man sa Sangguniang Panlalawigan kag madeklarar ang mgabanwanga apektado sa idalom sang state of epidemic disease.
May yara man sang mga programa suno kay Bionat sa mga kabanwahan kag ini ang 4S ukon Search & destroy mosquito breeding places, Self-protection, Seek early consultation,kag Say yes to fogging.
Importante man suno sa natungdan ang information and education campaign agud mas mapahibalo man sa mga pumuluyo kun ano ang mga dapat nila himuon agud matapna ang pagsaka sang kaso sang dengue sa probinsya.
Nahibaluan nga may yara na ang 2,516 ka kaso sang dengue sa probinsya kag may12 ka mga patay .
