Wala sang ginkampanyahan si Iloilo Governor Arthur Defensor Jr. nga mayor para sa posisyon bilang presidente sang League of Municipalities of the Philippines-Iloilo Chapter sa ginpatigayon nga eleksyon.
Sa interview sang Bombo Radyo kay Governor Arthur Defensor Jr., iya ginpahayag wala sya sang ginsuportaran sa pagka presidente sang League of Municipalities of the Philippines-Iloilo apisar nga malapit sa iya si Ajuy Mayor Jett Rojas bangud naka-updanay sila nga duha sa serbisyo sa 5th district sang tuig 2007 tubtob 2010.
Suno kay Defensor, gintugyan na gid lang niya sa mga Mayors sang probinsya ang desisyon sa pagpili sang presidente sang League of Municipalities of the Philippines-Iloilo.
Nahibaluan nga gin-elihir si Mayor Trixie Fernandez sang San Enrique Iloilo bilang bag-o nga presidente sang League of Municipalities of the Philippines-Iloilo Chapter matapos nakakuha sang 20 ka boto batok kay Rojas nga nakakuha sang 18 ka boto.
