ILOILO CITY – Dungog para kay Iloilo Governor Arthur Defensor Sr. nga isa ini sa mga naimbitaran para magtambong sa special gala celebration sang Association of Southeast Asian Nations (ASEAN), sa maabot nga Dominggo sang gab-i, Nobyembre 12.
Hiwaton ang engrande nga pagtililipon sa SMX Convention Center kun sa diin host si Presidente Rodrigo Duterte.
Ginpabugal sang gobernador ang espesyal nga envelope gikan sa Malacanang kun sa diin gina-imbitar ini ni Presidente Duterte para sa gala dinner.
Lima ka mga gobernador lang sa bilog nga pungsod ang gin-imbitar sa nasambit nga event.
Makaupod ni Gov. Defensor ang mga gobernador sang Aklan, Pampanga, Bohol kag Ilocos Sur Gov. Ryan Singson nga presidente sang Governor’s League of the Philippines.