ILOILO– Nagpatigayon sang pagsinapol ang mga chairman sang Inter Agency Committee sang ‘Build, Build, Build’ program sang Duterte administration agud istoryahan ang pagpatukod sang Iloilo-Guimaras bridge.
Ang pagsinapol ang ginpatigayon kadungan sang pagbisita ni Presidente Rodrigo Duterte sa mga biktima sang Iloilo Strait tragedy sa syudad sang Iloilo.
Suno kay Anna Mae Lamentillo, Chairperson sang ‘Build, Build, Build’ Committee sang Deparment of Public Works and Highways, iya ginpahayag nga ginalauman nga matapos ang feasibility study sa pagatukuron nga taytay subong nga tuig.
Suno man kay Lamentillo, pagkatapos sang feasibility study, gilayon na nga umpisahan ang pagtukod sang Iloilo-Guimaras bridge.
Dugang pa sang natungdan, prayoridad kag unahon nga ipatukod ang nasambit nga taytay matapos ang natabo nga trahedya sa tunga sang Iloilo Strait kun sa diin nagkulob ang tatlo ka mga pumpboat sa diin 31 ka tawo patay.
