Iloilo may pinakamataas nga kaso sang HIV sa Region 6 – DoH

ILOILO CITY – Nagakahangawa na ang Department of Health (DoH) sa nagataas nga kaso sang HIV sa siyudad kag probinsya sang Iloilo.
Suno kay Christine Mosqueda, regional coordinator sang DoH, ang Iloilo City ang may pinakamataas nga numero sang HIV cases sa Rehiyon 6 nga naglab-ot sa 263.
Ginsundan ini sang probinsiya sang Iloilo nga may 184 HIV cases.
Ginakabalak-an man sang ahensiya ang mas nagabata nga edad sang mga personalidad nga positibo sa HIV.
Nahibaluan nga sa bilog nga pungsod, 25 ka mga bag-o nga kaso sang HIV ang na-record kada adlaw.