ILOILO CITY- Magapatigayon sang maid-id nga imbestigasyon si Iloilo City Mayor Jerry Treñas may kaangtanan sa mga overprice nga mga transaksyon sang Iloilo City Government sa nakaligad nga administrasyon.
Sa exclusive interview sang Bombo Radyo kay Mayor Jerry Treñas, iya ginpahayag nga magapatigayun sang konsultasyon sa City Legal Office kun mahimo mapa-cancel ang iban nga mga kwestyonable nga transaksyon.
Kun kinahanglan naman sang mga kapulisan suno kay Treñas ang dugang nga mga salakyan, padayunon ang proseso agud mabakal ang mga kinahanglanon sang kapulisan sa husto nga presyo.
Kun may yara pa sang wala nadeliver nga drone ipa-kansela niya ini bangud indi ini kinahanglanon sang syudad kag kun may yara ginman sang pagkinahanglan mahimo naman nga makapanghulam ang syudad.
