Indi na magbaton ang Iloilo Mission Hospital sa distrito sang Jaro syudad sang Iloilo sang mga panibag-o nga COVID-19 cases bangud nalab-ot na sang ospital ang kapasidad sa pag-akomodar sa COVID-19 patients.
Epektibo subong, Agosto 21, tanan nga mga pasyente nga ginasuspetsahan ukon kumpirmado nga may COVID-19 ang ginapangabay nga sa iban nga health facilities ukon ospital lang anay magpabulong.
Apang ang mga pasyente nga indi COVID-19 suspects ang mahimo sa gihapon nga akomodaron sang ospital.
Nagapangayo gid sang paghangop sa publiko ang Iloilo Mission Hospital.
