ILOILO CITY – Ginkasubo sang Muslim Community ang limitado nila nga pagobserbar sang Eid al-Fitr subong nga tuig bangud man sa kahangawa sa Coronavirus Disease 2019 (COVID-19).
Ini ang kasunod sang mandu nga ginpa-gwa sang National Commission on Muslim Filipinos sa temporaryo nga pagsuspinde sa Taraweeh ukon community prayer sa mga prayer rooms kag mosque sa bug-os nga pungsod.
Sa interview sang Bombo Radyo kay Sultan Sammy Hadji Manan, tagpamaba sang Iloilo Muslim Community Association iya ginpahayag sa baylo nga magtililipon kaupod ang ila mga utod nga Muslim nga masami nila gina himo kada tuig nag simba nila sila sa ila tagsa ka mga panimalay kaupod lang ang ila pamilya.
Suno kay Sultan Manan, sa pihak sang nangin pagbag-o sa pagobserbar sang Ramadan subong ga tuig wala sila sang mahimo kundi tumanon ang pagsuludan nga ginpapanaog ni Presidente Rodrigo Duterte.
Nahibaluan nga ang Eid al-Fitr ang ika ulihi nga adlaw sang Ramadan kag katapusan nga adlaw sang ila pagpuasa.
