Ginbaton sang mga mataas nga opisyal sang syudad kag probinsya sang Iloilo ang mga pagpasidungog sa Kalayaan Hall sa Malacañang kasunod sang kadalag-an sa Parada ng Kalayaan 2025.
Lakip sa nagkadto sa seremonya nga ginpangunahan ni President Ferdinand Marcos, Jr. kag First Lady Liza Marcos amo sanday Gov. Arthur Defensor Jr., Vice Governor Lee Ann Debuqe, Maasin Mayor Francis Amboy, Santa Barbara Mayor Dennis Superficial kag Iloilo City Mayor Raisa Treñas.
Matandaaan nga nagkampyon ang probinsya sa Festival Performance Competition paagi sa Tultugan Festival sang Maasin. Sa amo nga kumpetisyon, nagpangaduha ang Dinagyang Festival sang syudad nga gintiglawas naman sang Tribu Pan-ay.
Sa pihak nga bahin, nagpangaduha naman ang Cry of Santa Barbara float sa Historical Float Competition.
Ini nga mga kumpetisyon ang nalakip sa highlights sang “Parada ng Kalayaan 2025” sang ginselebrar ang 127th Independence Day sang Pilipinas sang Hunyo.#
PPA pool photo by Yummie Dingding
