ILOILO – Ginakasubo sang Iloilo Police Provincial Office ang pagtaliwan sang isa ka police asset nga nagabulig sa kampanya batok sa iligal nga droga kag sang damlag lang ginluthang-patay sa Barangay Abilay Sur, Oton, Iloilo.
Ang biktima amo si Police Corporal Felfrance Lumahang, isa ka non-commissioned officer kag assign sa Provincial Drug Enforcement Unit.
Sa interview sang Bombo Radyo kay Police Colonel Gilbert Gorero, director sang Iloilo Police Provincial Office, iya ginpahayag nga magapadulong ang Police Regional Office 6 sa pamilya ni Lumahang agud maghatag sang nagakaigo nga bulig.
Nagpanugyan man si Gorero nga indi pa niya masapubliko ang pagdetalye tuhoy sa imbestigasyon sa buybust operation bangud mabisto ang ila stratehiya sa padayon nga operasyon agud maaresto ang mga suspek sa pagpangluthang-patay.
Dugang pa sang natungdan, nga i-review nila ang police operational procedures nga ginapatuman sang otoridad agud indi na maliwat ang amo nga insidente.
