ILOILO CITY- Nakahanda ang Iloilo Police Provincial Office (IPPO) sa pagdeploy sang dugang nga mga personnels sa tion nga may yara sang dalagko nga mga insidente.
Sa interview sang Bombo Radyo kay IPPO Director Police Captain Antonio Monreal, iya ginpahayag nga madamo na sang gindeploy nga mga PNP personnels lakip na ang mga counterparts nagikan sa Philippine Army kag iban pa nga units.
Suno kay Monreal naka-alerto ang tanan nga mga personnels kag may napreparar na nga daan nga mga personnels nga ready for deployment sa tion nga may dalagko nga events nga magluntad.
Sa bahin naman sang presensya sang New Peoples Army (NPA) suno kay Monreal isa palang ang narekord nila nga sightings kag ini ang sa banwa sang Miagao.
Sa subong suno kay Monreal isa palang ka banwa ang may yara sang augmentation kag ini ang sa
bahin sang Sara sa diin medyo mainit ang pulitika.
