ILOILO CITY– Madamo ang nagkaladakpan sa probinsya sang Iloilo nga nagalapas sa enhanced community quarantine kag curfew sa probinsya sang Iloilo.

Sa interview sang Bombo Radyo kay Police Master Sergeant Francisco Lindero Jr., spokesperson sang Iloilo Police Provincial Office, iya ginpahayag nga nagdangat sa 108 ang nagkaladakpan kag kalabanan sa ila ang sa town proper kag malapit sa mga plaza.

Suno kay Lindero, pila sa mga nagkaladakpan ang ginrefer sa ila tagsa ka mga barangay kag ang barangay na ang bahala nga maghatag sang multa.

Pahayag pa ni Lindero, may yara sang nadakpan nga pasakaan sang kaso bangud nagbato pa ini sa kapulisan sang tion nga sila ang gindakop.

Nahibaluan nga 41 ang nadakpan sa Lambunao, 33 sa Pavia, 15 sa Cabatuan, 12 sa Pototan kag Sta. Barbara, walo sa Passi City, anom sa Estancia kag San Enrique, lima sa Dumangas kag San Joaquin, tatlo sa Sara, isa sa Carles kag isa man sa banwa sang Badiangan.

Ang nasambit nga data ang narecord humalin sang Marso 22 tubtob Marso 24.