ILOILO – May yara na sang bag-o nga Officer-in-Charge ang Iloilo Police Provincial Office.
Suno kay Police Lt. Col. Joem Malong, tagpamaba sang Police Regional Office 6, si Police Col. Gilbert Gorero na ang magapamuno sa Iloilo Police Provincial Office epektibo subong nga adlaw, Setyembre 15, tal-os kay Police Col. Paul Kenneth Lucas.
Si Lucas ang gin-assign na sa Philippine National Police – Finance Service.
Wala lang gindetalye ni Malong kun ano gid ang rason sang reshuffling.
