ILOILO CITY— Nakahanda na ang safety plans sang Iloilo Police Provincial Office (IPPO) para sa semana Santa.
Sa interview sang Bombo Radyo kay IPPO Director Police Colonel Marlon Tayaba, iya ginpahayag nga may yara sila sang Oplan Summer Vacation kag kabahin diri ang preparasyon sa Semana Santa.
Suno kay Tayaba, may yara man sila sang mga visibility patrols kag mga highway assistance desk agud makahatag sang seguridad sa mga tawo.
Nagpanugyan man si Tayaba nga sa tion magkadto sa mga pilgrimage site indi magsuksok sang mga malahalon nga alahas nga mahimo makaganyat sa mata sang mga kawatan.
Indi man suno kay Tayaba magdala sang tuman kadamo nga cash sa baylo magdala lang sang kwarta nga nagakaigo nga kinahanglanon.
Hugot man niya nga ginapanugyan nga indi mag upload sang mga pictures kun sa diin makadto agud malikawan nga mabiktima sang mga kawatan.
