Wala pa mabaton sang Iloilo Police Provincial Office ang kopya sang dokumento ukon warrant of arrest batok kay Senador Ronald “Bato” Dela Rosa.
Sa interview sang Bombo Radyo kay PLt. Col. Arnel Solis, spokesperson sang IPPO, iya ginpahayag nga base sa ila impormasyon posible nakaabot na ang nasambit nga dokumento sa regional office kag posible nga igahatag naman ini sa ila.
Pahayag pa ni Solis nga mandato sang kapulisan nga magsunod kag magpatuman sang layi halin sa ila higher authority.
Nahibaluan nga sang nagligad nga Mayo 20, ginbasura sang Supreme Court of the Philippines ang pangabay ni Senator Ronald ”Bato” Dela Rosa para sa Temporary Restraining Order agud mapunggan ang International Criminal Court sa pag-isyu sang arrest warrant batok sa iya.
Dugang pa ni Solis nga obligasyon sang Iloilo Police Provincial Office nga tumanon kag ipatuman ang bisan ano nga legal nga warrant of arrest basta may nagakaigo nga mando halin sa higher authority.
