Iloilo Prov.Gov’t, ginpahayag nga padayun ang pag-account sang kabug-usan nga balor sang COVID-19 response sa probinsya

ILOILO CITY-Ginabanta nga nagdangat sa P388 million ang running balance sang Iloilo Provincial Government nga gingamit sa coronavirus disease response sang probinsya.

Sa interview sang Bombo Radyo kay Iloilo Governor Arthur Defensor Jr., iya ginpahayag nga gingamit ang kabug-usan nga resources para sa COVID-19 response.

Suno kay Defensor, sang una pa lang nga pagpatuman sang quarantine measures, naghatag ang probinsya sang tag P1 million sa tagsa ka banwa agud idugang sa ila budget.

Ginpahayag ni Defensor nga sang nagsugod na ang relief operations, naghatag sang second tranche sang budget ang Iloilo Provincial Government kun sa diin sa mga dalagko nga banwa, naglab-ot sa P7 tubtob P8 million ang ginhatag samtang P6 tubtob P7 million sa medium nga banwa kag P2 tubtob P4 million sa magagmay nga banwa.