ILOILO – Ginakulang sang masobra 200 ka mga manunudlo ang Iloilo Province.
Santu sa data sang Department of Education Region 6, may yara na sang 304 ka mga manunudlo ang probinsya sang Iloilo apang kinahanglanon sa gihapon ang dugang nga 212.
Sa bilog nga Western Visayas, 616 pa ang kinahanglanon nga mga manunudlo.
Nagapanguna ang Negros Occidental sa may pinakadamo nga manunudlo nga kinahanglanon nga yara sa 285 kag ginasundan sang Iloilo Province.
Sa interview sang Bombo Radyo kay Dr. Ernesto Servillon, Schools Division Superintended sang Iloilo Province, iya ginpahayag nga may yara sang 42 ka mga kabanwahanan ang probinsya kag gamay lang ang personnel sang Human Resource Department sang talatapan.
Apang suno sa iya, ginatinguhaan gid sang Schools Division of Iloilo nga mapadasig ang pagpatuman sang mga estratehiya kaangay sang pagdugang sang tawo nga magabulig sa HR personnel agud mapadasig ang pag-hire sa mga manunudlo.
Lauman pahayag ni Dr. Servillon nga sa 1st month sang 4th quarter ma-amat amatan na nga mabutangan ang kulang nga mga manunudlo sa probinsya.
Pila man sa mga ginahimo nga tikang sang Schools Division of Iloilo amo ang pagpakig-angot pinaagi sa Public-Private-Partnership kag pag-coordinate sa mga Local Chief Executive sa pagbulig hire sang mga manunudlo.
