Isa ka adlaw matapos naglapaw na sa 100,000 ang kabug-usan nga kaso sang COVID-19 sa bilog nga Western Visayas, naka-rekord naman ang Department of Health (DOH) Region VI sang kapin 1,000 nga panibag-o nga kaso sa rehiyon.
Iloilo Province sa gihapon ang nagapanguna sa may pinakamataas nga new cases.
Base sa Agusto 26 nga bulletin, sa 807 ka new cases, 368 ang halin sa probinsya sang Iloilo, 54 sa Aklan, 61 sa Antique, 63 sa Capiz, 29 sa Guimaras, 56 sa Negros Occidental, 64 sa Bacolod City, kag 112 sa syudad sang Iloilo.
Yara na subong sa 11,375 ang active cases sa rehiyon out of 100,858 nga cumulative number of cases.
Yari ang pagpahat-pahat sa active cases:
Aklan- 936
Antique – 925
Capiz – 1,118
Guimaras – 425
Iloilo Province – 4,259
Negros Occidental – 1,349
Bacolod City – 924
Iloilo City – 1,439
Nagsaka naman sa 87,058 ang reported nga naka-recover sa balatian matapos ang 695 nga nagdugang nga recoveries.
2,401 ang death toll bangud sang 13 nga new deaths.
Kun pahat-pahaton ang new deaths sa rehiyon: 11 ang halin sa Iloilo Province, isa sa Negros Occidental, kag isa sa Bacolod City.
