Nagapanguna ang Iloilo Province sa Western Visayas nga may pinakamataas nga kaso sang COVID-19 nga narekord kahapon, Agosto 22.
May yara sang 317 ka kaso sang virus nga nagdugang sa probinsya sang Iloilo, ginasundan ini sang Aklan nga may 88, Iloilo City nga may 78, Bacolod City nga may 69, Capiz nga may 49, Antique nga may 43, Negros Occidental nga may 17 kag Guimaras nga may 16.
Kabug-usan nga 677 ka positibo nga kaso sang COVID-19 ang nagdugang kahapon nga adlaw.
Yara naman sa 98,173 ang cumulative number of cases sa diin 10,935 diri ang makabig nga active cases.
Nadugangan man sang anom ang mga napatay sa diin 2,351 na ang total reported deaths.
248 man ang nagdugang sa mga nag-ayo sa balatian sa diin 84,863 na ang total reported recoveries.
Kun pahat-pahaton ang active cases sang COVID-19 sa Western Visayas;
Aklan – 1,523
Antique – 1,090
Capiz – 996
Guimaras – 355
Iloilo – 3,516
Negros Occidental – 1,283
Bacolod City – 839
Iloilo City – 1,333
