310 ka panibag-o nga kaso sang COVID-19 ang narekord sa probinsya sang Iloilo.
Pinakamataas ini nga new cases sa Rehiyon VI sandig sa Agusto 23 nga bulletin sang Department of Health Western Visayas.
591 tanan ang new cases sa rehiyon kun sa diin siyam naman ang nagdugang sa Aklan, 13 sa Antique, 10 sa Guimaras, 78 sa Negros Occidental, 85 sa Bacolod City, kag 86 sa Iloilo City.
Sa bahin sang recoveries, 418 ang nagdugang sa rehiyon.
Sa mga napatay, 22 ang bag-o nga na-rekord; kun pahat-pahaton, 4 diri ang halin sa Aklan, 7 sa probinsya sang Iloilo, 5 sa Negros Occidental, 2 sa Bacolod City, 2 sa Capiz, kag 2 man sa Iloilo City.
Nagsaka na subong sa 11,124 ang active cases sa Western Visayas, 85,279 ang reported recoveries, kag 2,373 ang reported deaths.
98,800 naman ang cumulative number of cases.
Kun pahat-pahaton naman ang active cases sa rehiyon:
Aklan – 1,298
Antique – 1,071
Capiz – 1,030
Guimaras – 363
Iloilo Province – 3,739
Negros Occidental – 1,356
Bacolod City – 919
Iloilo City – 1,348
