Nadugangan sang 588 ka mga kumpirmado nga kaso sang COVID-19 ang Western Visayas.
Sa sini nga numero, ang Iloilo Province ang nagapanguna sa may mataas nga kaso as of July 4, 2021 nga may 181 COVID-19 cases, ginasundan sang Bacolod City nga may 112, Iloilo City nga may 102, Aklan nga may 80, Negros Occidental nga may 67, Capiz nga may 32, Guimaras nga may 12 kag Antique nga may 2 ka kaso sang COVID-19.
Sa subong, naglab-ot na sa 68,950 ang total cases sang virus sa rehiyon kag 11,195 diri ang makabig nga active cases.
Nagdangat naman sa 56,161 ang total reported recoveries matapos ini madugangan sang 897 ka mga indibidwal nga nag-ayo.
Apang may lima ka mga narekord nga napatay sa diin 1,574 na ang total reported deaths.
Kun pahat-pahaton ang kaso sang COVID-19 sa Western Visayas,
Aklan – 4,701
Antique – 2,344
Capiz – 4,477
Guimaras – 1,006
Iloilo – 12,661
Negros Occidental – 18,975
Bacolod City – 13,484
Iloilo City – 11,302
