Isa ang narecord nga casualty sa Balasan, Iloilo, kasunod sang malain nga tiempo bangud sa Bagyo Jolina.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction and Management Office (PDRRMO), iya ginpahayag isa ka 46- anyos nga manugpangisda ang napatay.
Pahayag niya, nagpalawod pa ang lalaki kag mahimo nga naabtan sang malain nga tiempo sa kalalawran.
Wala pa sang identity ang biktima kag gina-verify pa kon may kaupdanan ini nga nagpalawod man.
