384 gid ka panibag-o nga kaso sang COVID-19 ang narekord sa probinsya sang Iloilo.
Pinakamataas ini nga new cases sa Rehiyon VI kahapon, Agusto 19, sandig sa latest bulletin sang Department of Health (DOH) Western Visayas.
834 tanan ang new cases sa rehiyon kun sa diin 188 naman ang nagdugang sa Aklan, 11 sa Antique, 53 sa Capiz, 26 sa Guimaras, 35 sa Negros Occidental, 48 sa Bacolod City, kag 89 sa Iloilo City.
Sa bahin sang recoveries, 862 ang nagdugang sa rehiyon.
Sa mga napatay, 36 ang bag-o nga na-rekord; kun pahat-pahaton, 8 diri ang halin sa Aklan, 12 sa probinsya sang Iloilo, 12 sa Negros Occidental, 3 sa Bacolod City, kag 1 sa Iloilo City.
Yara na subong sa 10,503 ang active cases sa Western Visayas, 83,356 ang total reported recoveries, kag 2,317 ang total reported deaths.
96,200 naman ang cumulative number of cases.
Kun pahat-pahaton naman ang active cases sa rehiyon:
Aklan – 1,434
Antique – 1,026
Capiz – 860
Guimaras – 304
Iloilo Province – 3,500
Negros Occidental – 1,272
Bacolod City – 790
Iloilo City – 1,317
