ILOILO CITY – Nagpasar sang resolution ang Sangguniang Panlalawigan nga nagahingyo sang suspension sa Iloilo City council kag kay Iloilo City mayor Jerry Treñas nga naga-suspend sang implementasyon sang Local Public Transport Route Plan (LPTRP).
Sa interview sang Bombo Radyo kay Board Member Domingo Oso Jr., chairman sang Committee on Appropriations sa Sannguniang Panlalawigan, iya ginpahayag nga dako ang matuga nga hu-ol sang LPTRP sa riding public kag subong man sa mga estudyante bangud kinahanglan nila nga mag-double ride.
Dugang pa ni Oso, epektibo lamang ang nasambit nga resolution samtang yara pa ang ginapangatubang nga krisis sang pungsod sa padayon nga pagtaas sang presyo sang gatong.
Ginahulat nalang ang pirma sang tanan agud nga ma forward na sa Iloilo City council ang resolution.
Nahibaluan nga sa nasambit nga LPTRP, tubtob gid lamang sa terminal sa syudad ang mga jeep nagikan sa probinsya sang Iloilo.
