Nagapati ang Iloilo Provincial Chairman sang partido LakasโChristian Muslim Democrats ukon Lakas-CMD nga indi na magpadalagan sa pagka-presidente si Davao City Mayor Inday Sara Duterte-Carpio.
Sa interview sang Bombo Radyo kay Passi City Vice Mayor Jesry Palmares, iya ginpahayag nga kilala niya si Sara kag mangin ang mga abyan kag classmate sini nga nagapati man nga indi na magpadalagan sa pagka-presidente ang presidential daughter.
Suno kay Palmares, makabig man nga ”opposite” si Sara sa iya amay nga si Presidente Rodrigo Duterte bangud mas may panindugan ini sa paghimo sang desisyon.
Apang sa pihak sini, bukas naman ang partido nga Lakas-CMD kay Mayor Sara bilang possible substitute standard bearer kun magkambyo ang pinsar sini sa iya mga plano sa 2022.
Nahibaluan nga samtang madamo ang naga-engganyo kay Mayor Sara nga magpadalagan sa pagka-presidente, gintuman sang presidential daughter sang nagligad nga semana ang iya nga desisyon nga magpa-reelect sa Davao City.
