Gin-athag sang Iloilo Provincial Comission on Elections (COMELEC) sa mga supporters kag mga kandidato nga ginadumilian nga magdala sang armas sa sulod sa venue sang filing of certificate of candidacy.
Sa interview sang Bombo Radyo kay Atty Renier Layson, Provincial Election Supervisor IV, iya ginpahayag nga ang seguridad ang ginapangunahan sang Iloilo Police Provincial Office (IPPO) kag bangud nakahamtang sa syudad ang pila ka venues, kaupod man diri ang Iloilo City Police Office (ICPO).
Suno kay Layson, may yara man sang mall security management nga nagasekyar sa palibot sang venues.
Ginpahayag man sini nga ginarespeto sang ila talatapan ang desisyon sang pila ka mga kandidato nga sa ulihi nga adlaw sang filing maga-file sang ila kandidatura.
Gintumod man sang natungdan nga kinahanglan magkoordinar sa ila talatapan ang mga kandidato agud nga advance nga mapadala sa ila ang mga dokumento nga kinahanglanon sa filing kag mapaidalum sa prechecking.
