ILOILO CITY – Ginpasiguro ni Iloilo Governor Arthur Defensor, Jr. nga may yara sa gihapon sang paghulag sang suplay sang baboy sa probinsya sa tion nga may yara sang positibo nga kaso sang African swine fever sa isa ka lugar.
Sa interview sang Bombo Radyo kay Governor Defensor, iya ginpahayag nga may yara sang zoning kag ang mga zone nga indi apektado sang African swine fever ang mahimo sa gihapon nga makapagwa sang suplay sang baboy.
Ginpaathag sang gobernador nga sang nagligad, nagpatuman sang banning ang probinsya nagikan sa iban nga mga rehiyon bangud bastante man ang suplay sang baboy sa Iloilo.
Suno pa sa gobernador, samtang nga wala pa ang resulta sang examination sang blood test sa mga baboy nagikan sa banwa sang Oton, nagpatuman na sang mga measures ang probinsya kaangay sang disposal kag depopulation.
Samtang, sa tion naman nga wala na sang mga lugar nga magbaton sang baboy nagikan sa Iloilo, nakahanda na ang probinsya sa paghatag sang bulig sa swine industry.
