Wala sang may nakit-an nga problema ang Iloilo Provincial Government kun luyag sang Antique nga ipa-test ang mga swab samples sa Iloilo Provincial Hospital-Molecular Laboratory sa Pototan, Ioilo.
Sa interview sang Bombo Radyo kay Atty. Suzette Mamon, Iloilo Provincial Administrator, iya ginpahayag nga handa man ang mga ospital sa probinsya nga malapit sa Antique nga mag-akomodar sang pasyente.
Suno kay Mamon, nahatagan naman sang provincial government sang instructions ang mga municipal health office kag health workers nga malapit sa border sang Antique nga i-monitor kag i-check kun bala may yara sang posible mga naka close contact halin sa nasambit nga probinsya agud gilayon nga mapunggan ang paglapta sang COVID-19.
Nagasalig man ang Iloilo Provincial Government nga ginatinguhaan sang Antique nga maghimo sang mga tikang agud nga indi na magtaas pa ang kaso sang virus.
