ILOILO CITY – Magahatag sang P1, 000 ang Iloilo Provincial Government sa tanan nga senior citizens, persons with disabilities (PWD) kag mga indigent nga mapabakuna batuk sa COVID-19.
Sa interview sang Bombo Radyo kay Dr. Ma. Socorro Quiñon, Iloilo Provincial Health Officer, iya ginpahayag nga nagdangat sa P6.7M ang budget sang probinsya para sa incentives nga nagikan sa donasyon sang mga senador.
Bangud donasyon ang kwarta, wala ini nadala sa spending ban sang Commission on Elections (COMELEC).
Suno kay Quiñon, ang mga kwalipikado nga mag-avail sang incentives amo ang mga nagpabakuna sang 1st dose humalin sang Marso 28 kag ang pay-out ang patigayunon sa Abril 11.
Dugang pa ni Quiñon, ang 42 ka banwa kag isa ka component city ang may yara sang 157 ka mga recipients magluwas lamang sa banwa sang San Rafael nga may target nga 156 bangud gamay na lamang ang wala nabakunahan sa amo nga banwa.
