Magapain ang Iloilo Provincial Government sang indi magnubo sa P1.5 million kada tuig para sa Provincial Ordinance No. 2025-338 ukon “An Ordinance Establishing the Search for the Most Outstanding City/Municipal Police Stations in the Province of Iloilo.”
Ang pondo ang magahalin sa Peace and Order Program sang Office of the Governor.
Katuyuan sang nasambit nga ordinansa amo nga makilala ang high-performing police stations kag mapasangkad pa ang ka-epektibo sang local law enforcement.
Si Iloilo 2nd District Board Member June Mondejar amo ang author sang ordinansa.
Sakop sang Provincial Ordinance No. 2025-338 ang tanan nga police stations sa component city kag kabanwahanan sa probinsya.
I-assess ang performance sa tanan nga areas sa crime prevention, functionality, coordination, kag innovation sa public safety operations.
Sa idalom sang programa, ang winners ang magabaton sang substantial support: P250,000 para sa champions, P200,000 para sa first runners-up, kag P150,000 para sa second runners-up sa Category A (city and 1st class municipalities) kag Category B (2nd to 4th class municipalities).
Ang pondo ang gamiton sa pagpatuman sang mga programa nga nalakip sa City/Municipal Public Order and Safety kag Anti-Drug Abuse Council.
(Article: Bombo Lynd-C Bade)
