ILOILO– Magatukod sang fact finding committee ang Iloilo Provincial Government tuhoy sa ginapahayag natabo nga pagpanghimulos sa sulod sang Iloilo Provincial Capitol.
Ini ang may kaangtanan sa reklamo sang isa ka masahista nga si alyas Jane, 45 anyos ngahimuslan siya ni Provincial Guard 2 Rowen Ledesma sa sulod sang opisina ni Iloilo 5th District Board Member Nielo Tupas.
Sa interview sang Bombo Radyo kay Atty. Suzette Mamon, acting provincial administrator, iya ginpahayag nga ang magapamuno sa fact finding committee samtang pagadesisyunan pa kun sanday sin-o ang magabug-os sa nasambit nga komitiba.
Ang fact finding investigation ang patigayon subong ukon sa masunod nga semana.
Magluwas kay Ledesma kag sa biktima, ginmandu man ni Iloilo Gov. Arthur Defensor Sr., nga ipaidalom man sa imbestigasyon ang mga on duty provincial guard sang natabo ang insidente sang Mayo 25.
Nahibalu-an nga sang Mayo 30, ginpasakaan sang kaso nga Rape si Ledesma sa Iloilo City Prosecutors’ Office.
