Naglunsyar sang programa ang Iloilo Provincial Government nga Program for the Resilience of Iloilo in Mind and Emotion ukon PRIME helpline.
Ini nga inisyatibo may katuyuan nga magpalab-ot sang bulig sa mga indibidwal nga nagakinahanglan sang bulig ilabi na sa ila nga mental health.
Sa interview sang Bombo Radyo kay Melvi Cuarte, head sang Provincial Social Welfare and Development Office ukon PSWDO, iya ginpahayag nga kampanya ini para sa mental health promotion kun sa diin pwede makatawag ang isa ka indibidwal nga nagakinahanglan sang Psychochological and Social Support.
Ini nga programa maga-operate 24/7 kun sa diin magabulig ini sa Psychological and Social intervention kag resilience building sang isa ka indibidwal.
May tinutuyo man ini nga maghatag sang bulig para sa crisis intervention kag follow up services.
Suno pa kay Cuarte halin sang ginlunsyar ini nga programa sang Abril 23, masami nga ila mabaton nahanungod sa problema sa pamilya kag financial problem ang ginapalab-ot sa ila.
Nagapang-agda man si Cuarte sa mga indibidwal nga labi nagakinahanglan sang bulig nga indi gid magpang-duwa duwa sa pag-reach out sa ila bangud programa ini sang probinsya nga naga-cater agud nga maghatag sang bulig.
