Nagpa-in ang Iloilo Provincial Government sang P1 million nga budget para sa repair sang track oval sang Iloilo Sports Complex.
Inisyal ini nga tikang agud ma-rehabilitate ang pasilidad nga ginahingadlan na nga expired na ang rubberized surface.
Sa interview sang Bombo Radyo kay Ray Cabarles, Sports Development Officer IV sang Iloilo Provincial Government, iya ginpahayag nga kinahanglan nga i-rehabilitate ang track oval, ilabi na bangud madamo nga sports competitions ang pagapatigayunon sa Iloilo Sports Complex.
Suno sa opisyal, napalab-ot na ang kahimtangan sang pasilidad kay Governor Toto Defensor.
Suno sa program of work, kun matigayon gid man nga mga rehabilitate ini ang gasto mahimo maglab-ot sa P40 tubtob P44 million.
Apang sa karon, repair pa lang anay ang mahatag sang probinsya samtang nagapangita pa sang dugang nga pondo ang gobernador.
Lakip sa mga palaabuton nga aktibidad amo ang City Meet sa Pebrero kag ang PRISAA.
Suno kay Cabarles, may ara sang mga patches ilabi na sa starting line sang 100-meter dash nga guba na gid.
Duagng pa sini sa bahin naman sang patiagyunon nga Dinagyang Festival, dira man magaperform ang mga nagkalain-lain nga tribo nga magapasakop sa nasambit nga aktibidad.
Ang budget nga P1 million ang nagikan sa General Services Office gamiton para sa repair sang track oval.
Sa karon, padayon ang pagpangita sang probinsya para sa rehabilitation sang rubberized track.
Samtang, ginapahayag man nga ang Iloilo Sports Complex may ara sang sitting capacity nga 8,000 ka tawo, nga ginapaabot nga magaserbe sa madamo nga bisita kag participants sa mga aktibidad, ilabi na sa tion sang Dinagyang Festival.
