Nakabakal na ang Iloilo Provincial Government sang 20,000 vials sang anti-rabies vaccine nga gamiton para sa masunod nga tuig.
Sa interview sang Bombo Radyo kay Dr. Darel Tabuada, head sang Iloilo Provincial Veterinary Office, iya ginpahayag nga gin-gastohan sa gihapon sang Provincial Government sang P9 million sa pagbakal sang bakuna agud ihatag sa mga local government units.
Suno kay Dr. Tabuada, 86% na ang nabakunahan nga mga ido sa probinsya sa diin lapaw na ini sa target nga 70%.
Maga-umpisa ang mass vaccination sa mga ido sa Pebrero 1, 2025 tubtob Abril 30, 2025.
Pahayag niya, mas pabaskugon pa sang Provincial Veterinary Office ang pagpangbakuna sa mga stray dogs bangud amo ini ang pagpanghangkat sa ila subong.
Sa subong, nagapabilin sa 28 ka mga island barangays halin sa Carles, Concepcion, San Dionisio kag Ajuy ang rabies-free.
