ILOILO CITY – Nakasugod na sa pagpanagtag sang ayuda ang Iloilo Provincial Government sa mga hog farmers nga apektado sang African swine fever.
Sa interview sang Bombo Radyo kay Dr. Darel Tabuada, Iloilo Provincial Veterinarian, iya ginpahayag nga anum na lang ka mga hog raisers sa Oton ang wala pa nakabaton sang ayuda apang available na ang cheke.
Magluwas sina, may 89 man ka mga hog raisers sa banwa sang San Miguel ang nakabaton kag 39 sa Leganes.
Sa mga masunod nga inadlaw, may yara na sang schedule sang mga banwa nga halatagan sang ayuda.
Nahibaluan nga P7, 000 tubtob P30, 000 ang mabaton sang tagsa ka hog raiser depende sa kadamu-on sang baboy nga naapektuhan sang African swine fever base sa assessment sang probinsya.
