ILOILO– Kinahanglan nga matukod anay ang resilience center sa probinsya sang Iloilo antes makahatag sang equipment ang Philippine Atmospheric, Geophysical and Astronomical Services Administration (PAGASA).
Sa interview sang Bombo Radyo kay Iloilo Governor Arthur Defensor Jr., iya ginpahayag nga may yara sang duta sa banwa sang Sta. Barbara nga mahimo matukuran sang building para sa resilience center.
Suno kay Defensor, yara pa sa 2020 budget ang pondo nga pagagamitun sa nasambit nga proyekto.
Plano man sang Provincial Government suno sa natungdan ang pagtukod sang resilience center sa quinto distrito.
Sa tion nga mahuman na ang building, mahimo na nga makadonar ang PAGASA sang mga equipment nga magamit sa disaster preparedness.
