Iloilo Provincial Gov’t magahatag sang P500,000 sa kada probinsya nga naapektuhan sang sunod-sunod nga bagyo

ILOILO – Magahatag ang probinsya sang Iloilo sang P500,000 bilang bulig sa tagsa ka mga probinsya nga gin-igo sang sunod-sunod nga bagyo.

Ini ang ginpahayag ni Iloilo Gov. Arthur Defensor Jr.

Suno sa iya, ang Cagayan, Albay, Camarines Norte, Marinduque kag Catanduanes amo ang mga probinsya nga makabaton sang tag P500,000.

Mahimo man nga makabaton ang Iloilo Provincial Government sang mga donasyon para sa mga biktima sang bagyo kag ini mismo ang ipadala sa ila.