Nagapangita sang iban pa nga supplier sang COVID-19 vaccines ang Iloilo Provincial Government.
Sa interview sang Bombo Radyo kay Atty. Suzette Mamon, Iloilo Provincial Administrator, iya ginpahayag nga isa ang Pfizer sa line list sang Department of Health nga mahimo ma istorya ukon makahatag sang initial briefing.
Suno kay Mamon, ginahulat na lang sang probinsya ang gudelines gikan sa national government bangud kun ano ang mangin direktiba sang ahensya, sundon na lang ini sang local government unit.
Nahibaluan nga nakapirma na si Iloilo Gov. Arthur Defensor Jr. sa multilateral agreement kaupod ang national government kag kumpaniya sang AstraZeneca apang wala pa sang pinal nga petsa ukon san-o madeliver ang bakuna sa probinsya sang Iloilo
