ILOILO– Nagpasa na sang ila report sa Department of the Interior and local government ang Iloilo Province may kaangtanan sa road clearing operations.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga nagdangat sa 10 tubtob 13 ka mga dalanon sa probinsya ang nagakadapat nga i-clear.
Suno kay Mamon, padayun ang ginahimo nga clearing operations sang provincial engineers office sa mga provincial roads nga nagakinahanglan nga matinluan nagikan sa mga obstructions, bilang pagsunod sa memorandum sang Department of the Interior and Local Government.
Pahayag pa ni Mamon, pila ka mga dalan ang ginagamit bilang solar dryer, parkingan kag may yara sang pila ka istruktura nga nagalapaw sa dalanon.
Nagapakig-angot man sila suno sa natungdan, sa mga munisipalidad, kag mga kabarangay sa nasambit nga road clearing agud may accomplishment ang Probinsya sa liwat nga pagpasa sang report sa Department of the Interior and Local Government.
