ILOILO – Wala pa sang ordinansa sa probinsya sang Iloilo nga nagahatag sang incentives sa mga senior citizen nga naga-edad sang 80 anyos pataas.
Sa interview sang Bombo Radyo kay Dr. Neneth Pador, pinuno sang Provincial Social Welfare and Development Office, iya ginpahayag nga sa subong, may yara pa lang sang proposed ordinance si Vice Gov. Christine Garin apang wala pa ini napasar.
Suno kay Pador, may yara sang ginahatag ang Iloilo Provincial Government nga incentive kag plaque of appreciation sa mga naga-edad sang 100 anyos.
Magluwas diri, nagahatag man sang libre nga medical assistance ang Iloilo Provincial Government kag may dugang nga financial assistance nga ginahatag ang national government.
Sa subong suno sa natungdan, ginatun-an pa kun bala madala sa pagahatagan sang incentive ang mga naga-edad 99 anyos panubo sa 80 anyos santo sa pondo sang Iloilo Provincial Government.
