Gin-athag sang Iloilo Provincial Legal Department nga indi maapektohan ang trabaho ni Iloilo Provincial Information and Community Affairs Officer Nereo Lujan sa tion nga magdagdagan ini sang departure order.
Sa interview sang Bombo Radyo kay Atty. Dennis Ventilacion, head sang Iloilo Provincial Legal Department, iya ginpahayag nga wala sang bearing sa operation sang Provincial Capitol ang departure order batok kay Lujan.
Suno kay Ventilacion, kon may byahe gidman padulong sa guwa sang pungsod si Lujan, kag may departure order, kinahanglan nga maglisensya siya anay sa korte agud mapahanugotan nga makabyahe.
Gin-athag man sini nga wala sang pagbag-o sa trabaho ni Lujan sa provincial capitol.
Wala naman nagkomentar si Ventilacion sa ginpaguwa ni Mayor Treรฑas ang mga litrato ni Lujan nga ginaalegar nagagamit sang van sang Iloilo Provincial Government nga indi sakop sang iya trabaho.
Una na nga nagpasaka sang 12 counts sang cyber libel si Iloilo City Mayor Jerry Treรฑas batok kay Lujan, kon sa diin, nakitaan sang tatlo sang grounds agud padayunon ang kaso.
Nahibaluan nga nagabalor sang โฑ48,000 ang piyansa sa kada count sang cyber libel case sa diin may kabug-usan nga โฑ144,000 ang ginbaydan ni Lujan.
