ILOILO – Ginpasigurado sang Iloilo Provincial Police Office (IPPO) ang pag-account sang mga government issued firearms sang mga police personnel.
Ini ang may kaangtanan sa isa ka pulis sang Police Regional Office 6 nga nagprenda sang iya armas kag sang damlag lang natukiban nga naangot sa krimen matapos ginpahayag nga suspek ang ginprendahan sini sang armas nga amo ang gingamit sa pagpangluthang-patay sa dalan Iznart Iloilo City Proper.
Sa exclusive interview sang Bombo Radyo kay Pol. Col Gilbert Gorero, Director sang Iloilo Provincial Police Office, iya ginpahayag nga ang PRO 6 ang nagapatigayon sang surprise inspection sa mga service firearms sa diin mahibaluan kun yara pa sa kustodiya sang kapulisan ang ila armas.
Pahayag sang natungdan nga ang mga government issued firearm ang mahimo man maprenda.
Apang suno kay Gorero, indi ini pwede maangkon sang isa ka sibilyan nga wala sang lisensya.
