ILOILO – May ipahamtang nga isolation facilities sa covered gym sang Iloilo Sports Complex para sa mga frontliners kag residente sang probinsya sang Iloilo.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga indi pa niya madetalye kun pila ka kwarto kag cubicle ang ipahamtang apang mahimo man nga makagamit ang frontliners kag residente sang syudad sang Iloilo bangud nga ang Iloilo Sports Complex ang nahamtang sa Magsaysay Village sa distrito sang La Paz.
Suno kay Defensor, magluwas sa isolation facility, mahimo man nga gamiton bilang evacuation center ang covered gym.
Sa subong, ginpahayag sang gobernador nga nakapatigayon na sang inspection ang mga tiglawas sang
Department of Public Works and Highways agud nga ma-umpisahan na gilayon ang proyekto.
