ILOILO – Temporaryo nga ginpa-untat sang Iloilo Provincial Government ang pag-export sang mga baboy halin sa Luzon bangud sa pagpanghangkat sang African Swine Fever (ASF).
Ini matapos ang ginpatuman ni Iloilo Governor Arthur Defensor Jr. nga safety and security protocols umpisa sang Marso kag Abril 2023 agud indi maglapta ang nasambit nga balatian.
Sa interview sang Bombo Radyo kay Dr. Darel Tabuada, Iloilo Provincial Veterinarian, iya ginpahayag nga wala pa sang order nga mahimo na ma-ship out ang mga baboy subong nga bulan.
Suno kay Tabuada, wala sang dapat kabalak-an ang mga pumuluyo bangud bastante ang probinsya sa karne sang baboy sa diin antes pa man ang paghalit sang African Swine Fever, yara sa 287% ang sufficiency rate.
Nagpasalig naman si Gov. Defensor nga may yara ini sang tikang pinaagi sa pagtukod sang recovery measures agud masolusyunan ang depleted hog inventory kag posible nga kakulang sang protein sources sa probinsya.
