ILOILO – Nagpahanumdom ang Iloilo Provincial Health Office sang health and safety tips kadungan sang pag-obserba sang semana santa.
Sa interview sang Bombo Radyo kay Dr. Rodney Labis, Chief sang Health Service Delivery Division sang Iloilo Provincial Health Office, iya ginpahayag nga mahimo nga likawan ang nga aktibidad nga nagapatial sa init kun sa diin kinahanglanon ang pagdala sang payong, kalo, light colored clothing, kag sunscreen.
Kaangot diri suno kay Labis, importante man ang pagdala sang tubig agud mangin hydrated.
Ginpahayag dugang sang natungdan nga nagakadapat nga siguraduhon ang pag-inom sang maintenance sang mga nagasuprer sang diabetes kag hypertension bangud sa mataas nga risgo sang heart attack kag stroke.
Para naman sa mga deboto nga may balatian suno sa health expert, mahimo nga magakonsulta gid sa doktor antes mag-fasting.
Nagpaandam naman si Labis sa mga magapasakop sa pagtaltal nga siguraduhon nga mapalantaw ang pilas sa mga health care providers para sa nagakaigo nga pagbulong kag para malikawan ang bacterial infection kontra sa tetanus.
