ILOILO CITY– Nakapangita na sang paagi ang Provincial Disaster Risk Reduction and Management Council agud nga mahatagan sang pondo ang dugang nga assistance fund sang Iloilo Provincial Government.
Sa interview sang Bombo Radyo kay Iloilo Governor Arthur Defensor Jr, iya ginpahayag nga nagpangayo sila sang permiso sa Provincial Disaster Risk Reduction and Management Council agud nga ire-program ang calamity fund.
Suno kay Defensor, ginhingyo nila nga ang savings ang gamiton para sa COVID-19 response.
Paga-istoryahan naman suno sa gobernador kun ano sa ano nga programa gamiton ang P270 Million kag pagkatapos, ini ang iga-endorso sa Sangguniang Panlalawigan agud mahimuan sang ordinansa.
