Nangin madinalag-on ang Iloilo River Dragon Boat Festival 2024 nga ginpatigayon sa Iloilo City.
Sa interview sang Bombo Radyo kay Joanne Marie Pijuan, Race Organizer sang Iloilo River Dragon Boat Festival 2024, iya ginpahayag nga ginakalipay niya nga nangin successful ang kabug-usan sang event kag wala sang natuga nga insidente sa mga paddlers.
Ginpasalamatan man ni Pijuan ang Iloilo City Government kag ang Iloilo Festivals Foundation Incorporated (IFFI) sa pagpanguna sang aktibidad kag paghatag sang engrande nga Boat Festival.
Suno kay Pijuan, nagalaum siya nga madamo pagid sang water activities ang mahimo mapatigayon sa Iloilo City sa masunod nga mga tinuig.
Nahibaluan nga ginkabug-usan sang 11 ka mga dragon boat teams nga naggikan sa nagkalain-lain nga parte sang pungsod ang nag-partisipar sa amo nga competition.
