Nalakip ang Iloilo River sa 50 ka mga suba sa pungsod nga may pinakadamo nga dala nga plastic waste sa kadagatan sa bilog nga kalibutan.
Ini ang santo sa pagtuon nga may titulo nga “More than 1000 rivers account for 80% of global riverine plastic emissions into the ocean” sang Ocean Cleanup sa journal Science Advances.
Ang Ocean Cleanup amo ang isa ka international organization nga nagatuyo nga matinluan ang kadagatan pinaagi sa pagkuha sang tanan nga plastic waste sa bulig sang advanced technology.
Sa pagtuon, na-estimate sang mga researchers ang masobra 1,000 ka mga suba nga amo ang ginhalinan sang ginabanta 80% nga plastic waste nga nagakadto sa kadagatan.
Bangud sini, nagpanawagan ang Climate Change Commission agud ipatuman ang single-use plastic sa pungsod.
Sa interview sang Bombo Radyo kay Engr. Noel Hechanova, pinuno sang Iloilo City Environment and Natural Resources Office (CENRO), iya ginpahayag nga tun-an pa niya sang madalom kun ano ang nangin basehan sang pagtuon kag kun paano nalakip ang Iloilo River sa may pinakadamo nga plastic pollution.
Suno kay Hechanova, ini bangud wala sila nagauntat sa pagsegregate sang tanan nga plastic waste halin sa suba apisar may pandemya.
Pahayag pa niya, halin sang 2006, wala man untat ang ila nga kampanya batok sa Solid Waste kag pagkolekta sang basura agud nga ma-engganyo ang tanan nga atipanon ang Iloilo River.
Nahibaluan nga ang House Bill No. 9147 ukon ang “Single-Use Plastics Products Regulation Act”, ang gin-aprubahan sang damlag lang sa second reading sa Kamara.
Ini ang isa ginakabig epektibo nga tikang sang pungsod agud masolusyunan ang plastic waste leakage.
