Iloilo all set na sa pag-host sang ASEAN Ministerial Meeting, delegates magaabot sa weekend

ILOILO CITY – All set na ang siyudad sang Iloilo sa pag-host sang 50th Association of Southeast Asian Nations (ASEAN) Ministerial Meeting sa maabot nga March 8-10.
Sa interview sang Bombo Radyo Iloilo, ginpahayag ni city tourism officer Junnel Ann Divinagracia nga magapatigayon sang simulation exercise ang local organizing committee sang ASEAN sa masunod nga semana.
Ginahandaan man sang siyudad ang pag-abot sang mga delegates nga kabahin sang pagtililipon.
Sa Marso 5, magasugod na sa pag-abot ang mga delegates para sa ASEAN Meeting nga hiwaton sa Iloilo Convention Center.
Ginpahayag ni Divinagracia nga kapin 1,000 ang ginalauman nga delegates sa ministerial meeting kalakip na ang spouses sang ASEAN ministers.
Walo ka mga hotels sa syudad ang gin-accredit na sang national organizing committee sang ASEAN nga amo ang tiniran sang delegates.
Ang National Economic Development Authority (NEDA) kag Department of Social Welfare and Development (DSWD) ang mga national government agencies nga mayor nga participants sa duha ka hugnat sang meetings sa syudad sang Iloilo.