𝗜𝗟𝗢𝗜𝗟𝗢 𝗖𝗜𝗧𝗬 —Nagpaathag ang Iloilo Superman Owners and Drivers Transport Cooperative kaangot sa palamangkotanon sang mga operators kag drivers kon sa diin nagkadto ang kwarta sa ginbaligya nga scrap.
Sa interview sang Bombo Radyo kay Diona Porras, General Manager sang Iloilo Superman Owners and DriversTransport Cooperative, iya ginpahayag nga wala sang natabo nga discrepancy kag wala man nagmato-mato nga ibaligya ang scrap bangud tanan ini ang lisensyado.
Suno kay Porras, nagkadto ang bili sang scrap sa revolving fund sang kooperatiba bangud man sa kapin tatlo ka semana na nga wala sang cheque ang ila nga treasurer.
Gin-athag man sini nga antes pa ginduso sang mga miyembro nila nga maghalin siya pwesto, sang nagligad pa nga semana siya tani ma-resign, apang may ginatapos pa nga mga dokumento.
Ginbuyagyag man sini nga masami sila nga gina-harass sa amo nga kooperatiba, apang nagpamalibad ini nga tumuron ang identity sang nagapang harass kag ginhingadlan lamang sini nga “superman”.
